मैफल

पोचलो तेव्हा मारवा सुरू झाला होता 

निघालो तेव्हा ही बिहाग सुरूच होता 

कितीही आधी गेलो तरी तानपुरा लागलेलाच असतो 

कितीही नंतर निघालो तरी ठुमरी चालूच असते 

मी मैफिलीतून लवकर निघतो तेव्हा काय गमावतो ? 

आणि रेंगाळत थांबतो तेव्हा काय कमावतो ? 

तरीही ...प्रत्येक ... जन्माच्या... मैफिलीत... मी... जाणारच ! 

अनादी अनंत काळापासून सुरू असलेल्या ह्या विश्वाच्या मैफिलीचा 

जमेल तितका, पचेल तितका आस्वाद घ्यायला !