वर्तुळाकार भेट

स्वतः च्या मस्तीत, शीळ घालत, माझ्या आड वाटेवरच्या घरासमोर चालणाऱ्या एका सत्तरीतल्या माझ्याच ऊंचीच्या एका तरुणाच्या खांद्यावर थोपटून मी हाक मारली. 

प्रश्न पडला होता ,"कधी पाहिलं नाही, भेटलो नाही, विचारावं, 

काय केल्यानी मी अजून तीस वर्षांनी सुद्धा एवढाच तरुण राहू शकेन बरं?" 

त्याने वळून बघितलं आणि हुबेहूब माझ्यासारखा दिसणारा तो मला स्मितहास्य करून म्हणाला 

"विशेष नाही अरे , फक्त तीसेक वर्षापूर्वी मला रस्त्यात जाताना एक तडफदार म्हातारा भेटला होता 

आणि म्हणाला की असा प्रश्न रोज विचारात जा" ... त्याचं ऐकलं!