मिलिग्राम मोजणाऱ्या तराजूत, खोलीत पसरलेल प्रेम मोजून, 

फुटपट्टीत उचंबळणाऱ्या भावना मोजल्या, 

तळव्याच्या उबेची दोन थेंब सल्फुरिक एसिड टाकून 

लिटमस टेस्टने खात्री करून टिपण वहीत नोंद केली, 

तापमापिने दिवसभरातल्या आठवणी तपासून 

खास अमेरिकेहून मागवलेल्या गाईड बुका प्रमाणे नीट मांडल्या, 

आणि सगळी माया जागच्या जागी आहे 

याची खात्री करून मगच "आजीच्या गोधडीत" शिरलो . .... 

... हो ना, शिस्त म्हणजे शिस्त, नियम म्हणजे नियम !!!