सगळं कसं चोख, रेखीव मोजून, तपासूनच ठेवायचं असतं का ? तुमची माझी मापटी वेगळी, कवितांचे अर्थ "केवढ्याला" मध्ये कसे सांगणार? माझी मैत्री निभावण्याची रीत, व्यवहार, नियम व पद्धतही वेगळी, तुमचे वजनाचे तराजू, माझ्या अत्तराचा घमघमाट कसा मोजणार ? वजन, उंची, वय आणि अंतर यात मैत्री मोजणारे तुम्ही, अनवट नात्यातल्या आश्वस्त करणाऱ्या हातांची ऊब कशी मोजणार ? चोरटी नजरानजर, हसताना पडलेली खळी, डोळ्यातलं आर्जव या सगळ्याची किंमत, उपयोग आणि गरज कशी ठरवणार?